Саба таңнары
  • Тат Рус Лат
  • Татарстан имамнары һәм казыйлары өчен укулар башланды

    Дәресләр рус, татар һәм гарәп телләндә бара.

    Бүген Лаеш районы мөхтәсибәтендә Татарстан Республикасының барлык имам-мөхтәсибләре һәм казыйлары җыелды — биредә квалификация күтәрү курслары башланып китте. Хәзрәтләргә һөнәри әзерлекләрен ныгытырга танылган дин галимнәре — гакыйдә һәм фикъһе белгечләре булыша. Бу турыда Татарстан Диния нәзарәте матбугат хезмәте хәбәр итте.

    Белем күтәрү курсларының беренче ике көнендә мөхтәсибләргә һәм казыйларга белем бирүче остазлар арасында — Диния нәзарәтенең Голәмалар шурасы җаваплы сәркатибе, ислам фәннәре докторы Рөстәм хәзрәт Нургалиев, Болгар ислам академиясе мөгаллиме, шәригать фәннәре докторы, гакыйдә белгече Сәйф Али әл-Асри бар. Остазлар ислам динендә мирас бүлү тәртипләре, гакыйдә мәсьәләләре, зәкят буенча лекция укый.

    Татарстан Республикасы имам-мөхтәсибләре һәм казыйлары өчен оештырылган квалификация күтәрү курслары Диния Нәзарәтенең Пленум утырышы белән төгәлләнәчәк.

    Фото: dumrt.ru

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: