Татарстанда иң яхшы "Автоледи-2020" сайладылар

Мәйданга дистәләрчә кеше җыелган - алар арасында конкурс катнашучылары һәм аларга теләктәшлек күрсәткән кешеләр.

Бәйгене ТР спорт министры урынбасары Илдар Садриев, яшьләр эшләре буенча министр урынбасары Анна Захматова, ТР баш дәүләт автоинспекторы Ленар Габдерахманов, “Юл хәрәкәте иминлеге” ДБУ директоры Рифкать Миңнеханов һәм Казан дәүләт мәдәният институты ректоры Роза Әхмәдиева тантаналы рәвештә ачып җибәрде.

Сүз уңаеннан, шәһәр юлларында машина йөртүче хатын-кызлар көннән-көн арта бара икә. Ел башыннан бирле генә дә 16 мең беренче тапкыр бирелгән машина йөртү таныклыгының 9 меңен кызлар алган.

"Мондый тенденция инде дүртенче ел бара - руль артында кызлар арта бара. Хатын-кызлар бик пөхтә һәм тигез йөрмиләр дигән билгеле бер фикер бар, мин аның белән килешмим. Статистика башкасы турында сөйли - ир-атлар гаебе белән чагыштырганда, хатын-кыз йөртүчеләр гаебе буенча юл-транспорт һәлакәтләре саны күпкә түбәнрәк ", - дип уртаклашты ТР баш дәүләт автоинспекторы Ленар Габдрахманов.

Барлыгы республика этабында унике машина сөюче катнашты. Финалга чыгучылар исәбенә эләгү өчен, үз "зонасында" җиңү яуларга кирәк иде. Быел алар дүртәү - Әлмәт, Казан, Чистай һәм Чаллы. Аларның һәрберсендә өч җиңүче билгеләнде, нәтиҗәдә алар республика этабына күчте.

Сүз уңаеннан, конкурс үткәрү тәртибе бераз үзгәрде - ярышлар өч этапта узды. Башта катнашучылар юл хәрәкәте кагыйдәләре буенча теоретик имтихан тапшырды, аннары катлаулы күнегүләр вакытында автомобиль белән идарә итү осталыкларын күрсәттеләр. Өченче этап баннерлар һәм социаль реклама видеороликлары конкурсы булды.

Нәтиҗәдә «Автоледи-2020» мактаулы исемен Әлмәт районыннан Надежда Кнурова яулады. Икенчесе - Мамадыш районыннан Венера Юмагужина, өченчесе Лениногорск районыннан Диана Закирҗанова булды. Барлык призерлар кубоклар, дипломнар һәм акчалата премияләр алды.

Фото: Михаил Захаров

Чыганак: tatar-inform.ru