Татарстанда машина елгага төшкән: өч кеше үлгән, берсен эзлиләр (ФОТО)

автор, 15 ноябрь 2017 - 14:48

1501

Әгерҗе районында җиңел машина елгага төшкән. Андагы өч кеше үлгән, берсе югалган, дип хәбәр итә Россиянең Татарстан буенча Гадәттән тыш хәлләр министрлыгы.

Татарстанда машина елгага төшкән: өч кеше үлгән, берсен эзлиләр (ФОТО)

Бәхетсезлеккә очраучылар Иж елгасына балык тотарга килгәннәр. Кайбер фаразлар буенча, машина рулендә сәрхүш хатын-кыз, салонда шулай ук өч ир-ат булган.

Водолазлар баткан машинадан 43 һәм 37 яшьлек ир-атларның һәм шәхесе билгеле булмаган хатын-кызның мәетен алганнар. Тагын бер 62 яшьлек ир-атның гәүдәсен эзлиләр.