Теләчедә үзәк чыршы ачылды
Узган шимбәдә Теләче үзәк ял паркында Яңа елның Төп Чыршысы аллы-гөлле утларын кабызды.
Һава торышы салкын булуга карамастан, район кешеләре бәйрәмдә актив катнашуы аеруча сөендерде. Алдагы еллардан аермалы буларак, быелгы тамаша җыр-биюгә бик бай иде. Кыш бабай белән Кар кызы да тамашаны үтә җанлы, мавыктыргыч итеп чыгыш ясадылар. Кыш бабай җор теллелек күрсәтсә, Кар кызы җырларга һәвәс булып чыкты.
Әлеге бәйрәм район авылларыннан килгән Кыш бабай белән Кар кызларының күплеге белән дә истә калды. Өстәвенә, үзләре матур итеп җырлап та, биеп тә күрсәттеләр.
Оешма-предприятие хезмәткәрләре кардан сыннар ясарга зур җаваплылык белән алынды. Безнең район халкы һәр эштә дә үрнәк. Бу хакта бәйрәмне тантаналы төстә ачып җибәргән муниципаль район башкарма комитеты җитәкчесе Илнур Хәмидуллин да әйтте.
Фото: http://tulachi.ru
Следите за самым важным и интересным в Telegram-каналеТатмедиа
Нет комментариев