Саба таңнары

Тиздән алты ай саен документ җыярга кирәк булмаячак

Пенсионерларга юлда йөрү өчен айлык түләү, балага ай саен бирелә торган пособие, садикка түләгәнгә компенсация кайтару. Тиздән бу өч хезмәттән файдаланучыларга алты ай саен социаль яклау үзәкләренә документлар тапшырып йөрергә кирәк булмаячак.

Документлар автоматик рәвештә үзләре яңартылачак, бу кеше өчен шактый уңайлыклар тудыра. Әлеге системаны ел азагына кадәр җайга салырга җыеналар. Социаль яклау өлкәсендәге башка яңалыклар хакында Татарстанның хезмәт, эш белән тәэмин итү һәм социаль яклау министры Эльмира Зарипова “Татар-информ”да узган матбугат конференциясендә сөйләде. 
Бүген социаль яклау өлкәсендә халыкка 85төрдән артык хезмәт күрсәтелә. Аларның 11е эш белән тәэмин итү тармагына карый. Хезмәтләрнең сигезен бүген тулаем электрон форматка күчергәннәр. Кеше өйдән чыкмый гына интернет ярдәмендә гариза, документлар тапшыра ала. Халык арасында аеруча киң таралган: пенсионерларга юлда йөргән өчен айлык түләү, күп балалы аналарга тиешле субсидияләр алу, балалар бакчасына түләгән өчен компенсацияне кайтару, инвалидларга торак коммуналь хезмәтләргә түләгәндә ташлама рәсмиләштерү кебек хезмәтләр турында сүз бара. Сигез генә булса да, алардан файдаланучылар саны барлык мөрәҗәгать итүчеләрнең 71 процентын тәшкил итә. Быелның ун аенда социаль яклау өлкәсенә 1981025 гариза кабул ителсә, аларның1407527се электрон рәвештә бирелгән. Интернет аша өлешчә документлар тапшырырга мөмкин булган хезмәтләр дә бар. Алар бишәү. Дөрес монда барыбер кешенең үзәккә үзе килүе мәҗбүри. 
Уңайлы шартлар тудыру максатында быел халык соравы буенча пенсионерларга юлда йөрү өчен айлык түләү, балага ай саен бирелә торган пособие, садикка түләгәнгә компенсация кайтару кебек хезмәтләргә “автопродление”, ягъни автоматик рәвештә документларны яңарту системасын кертергә уйлыйлар. Бу очракта социаль хезмәткәрләр барлык кирәкле документларны үзләре базадан карап нәтиҗә чыгарачак, кешегә алты ай саен документ җыярга туры килмәячәк. 
Элмира Зарипова әйтүенчә, хезмәтләрне интернет вариантка күчергәндә халык тәкъдименә таяналар, күпчелекнең фикерен исәпкә алып эшләргә тырышалар. Әлбәттә, кеше интернетта утырмаса, бу хезмәтләрне электрон формага күчерүдән мәгънә юк. Шуңа да соңгы елларда өлкән буынны компьютер техникасына өйрәтүгә зур игътибар бирелә. 2007 елдан бирле республикада “Өченче буын университеты” проекты уңышлы эшләп килә. Ун ел дәвамында барлыгы 83 мең пенсионер укулар узган. Быел компьютер грамоталылыгы буенча уздырылган Россия күләмендәге бәйгедә Татарстанның Иске Чүпрәле районыннан Роза Насыйбуллина өченче урын алган. 
“ЕСИА – бер пароль – 1000 мөмкинлек”, – ди Эльмира Зарипова. Идентификация һәм аутентификациянең бердәм системасын халык телендә гади генә ЕСИА дип йөртәләр. Моның өчен gosuslugi.ru сайтында теркәлеп паспорт, СНИЛС номерларыңны язарга кирәк. Аннары бер пароль белән дәүләт порталы аша интернеттагы теләсә кайсы хезмәттән файдаланырга була. 
Врезка: 
 Социаль яклау өлкәсендәге электрон хезмәтләр буенча сорауларыгыз булса, mtsz@tatar.ru адресына тәкъдимнәрегезне юллый аласыз

http://shahrikazan.ru

Нравится
Поделиться:
Реклама
Комментарии (0)
  • 18 февраля 2018 в 15:09
    Комсомолга - 100 ел. 2018 Саба аграр көллияте сту­дентларының иҗат-отчет концерты
  • 17 февраля 2018 в 19:22
    САБАДА – ГЕРМАНИЯ ПРОФЕССОРЫ
  • 17 февраля 2018 в 24:22
    Сабада аяз кичтә йолдызлар бураны «купты» 16 февраль кичендә Саба мәдәният йортында районыбыз туып-үскән якташларыбыз – эстрада, театр артистлары, музыкантлар, ди-джейлар катнашында “Йолдызлар бураны” дип исемләнгән җырга-моңга бай матур кичә булды.
    793
    0
    1
  • 19 февраля 2018 в 07:54
    Масленица бәйрәме фаҗига белән тәмамланды 18 февральдә Кизләр шәһәрендә (Дагестан Республикасы) Масленица бәйрәмендә җинәятче — кеше күп җыелган урында ут коралыннан атты.
    775
    0
    0
  • 17 февраля 2018 в 15:41
    Бөтен нәрсә сөттән кыйммәт, сыер гына кызганыч Әле ярый гаилә фермасы төзергә теләк белдереп махсус программага кермәдек. Сыер асрыйбыз дип дәүләттән ярдәм алган булсак, кая барыр идең, табышы булмаса да, терлекләрне тотарга туры килә бит. Саба районының Түбән Шытсу авылында яшәүче Алсу һәм Әнәс Сөнгатуллиннар, сөт бәясе кимегәч, сыер асрауның файдасы калмый башлады, дип чаң суга.
    473
    0
    0
  • 18 февраля 2018 в 15:43
    6 иң зәвыклы татар җырчысы. Кемнәр алар? 17 февральдә «Пирамида» күңел ачу залында «Болгар радиосы» хитлар концерты булды. Концертта катнашкан иң зәвыклы җырчы кызларның исемлеген сезгә дә тәкъдим итәбез.
    473
    0
    0
  • 17 февраля 2018 в 10:52
    “Утырып еладым. Шатлыктан...” Бу гаилә турында 2015 елда “Ватаным Татарстан”да “Гомерлеккә аласызмы?” дигән язма басылып чыккан иде. Тукай районының Сәмәкәй авылында яшәүче Әлфира Исхакова белән “Нечкәбил” бәйгесендә таныштык. Әниләре өчен җан атып торучы ике кыз җәлеп итте безнең игътибарны. Баксаң, алар – Әлфира апаның тәрбиягә алган кызлары икән.
    393
    0
    3
  • 18 февраля 2018 в 16:09
    Уфа кешесе лотереяга 26 млн сум акча откан Бәхетле билет хуҗасын, отышны рәсмиләштерү өчен, Мәскәүдә көтәләр.
    366
    0
    0
  • 18 февраля 2018 в 10:01
    САБАДА – ГЕРМАНИЯ ПРОФЕССОРЫ Ир-атларның җенес бизләре белән бәйле үзләренә генә хас авырулары булса да, аларны урологка күренергә өйрәтеп булмый әле.
    328
    0
    1
  • 17 февраля 2018 в 12:26
    СЛЕСАРЬГА МАШИНА ВӘГЪДӘ ИТЕЛДЕ Саба күптармаклы җи­теш­­терү пред­приятие­сендә үткәрелгән хисап җые­лышына быел коммуналь хуҗалык хез­мәт күр­сәткән авыл җир­лек­лә­ре башлыклары да ча­кы­рылган иде.
    326
    0
    0