Янгын чаңы кагылмасын!
Көтеп алынган язгы чор җитте. Бу вакытка һәркем үзләренең йорт яны участокларын, өй тирәләрен тәртипкә китерүне планлаштырып куя. Кызганычка каршы, кайберәүләр кар эрегәннән һәм ташу киткәннән соң янгын куркынычының кискен артуын оныта.
Коры үләнне, бакча йортлары территорияләрендә чүп-чар яндырганда еш кына бәла килеп чыга. Ел саен язын бөтен ил буенча урманнар, кырлар, хуҗалык корылмалары һәм торак йортлар, дачалар яна. Саба районы биләмәләрендә дә чүп-чар, коры үлән яну очраклары күзәтелә. Шуңа күрә, бәла булмасын өчен, янгын куркынычсызлыгы кагыйдәләрен белергә һәм үтәргә кирәк.
Үз-үзеңне изоляцияләү чоры тамамлангач, торак сектордагы участокларны һәм якын-тирә биләмәләрне, оешмаларны, аның янәшәсендә урнашкан территорияләрне янучан калдыклардан, чүп-чардан, коелган яфраклардан, үләннәрдән чистартуны оештырырга кирәк булачак. Язгы-җәйге янгын куркынычы чорында учак ягу, ут куллану белән бәйле эшләр башкару, утын мичләрен куллану тыела. Урамда шешәләр, ватык пыяла калдыкларын калдырмагыз, алар кояш нурларында линза үзлеге хасил итеп коры үлән януына сәбәпче булырга мөмкин.
Электр челтәренә тоташтырылган көнкүреш приборларын, газ плитәләрен, янучы мичләрне караучысыз калдырмагыз һәм аларны кечкенә балаларга күзәтүне йөкләмәгез. Янгын кагыйдәләрен бозучыларга карата админстратив җаваплылык каралган.
Янгын яки яну билгеләре (төтенләү, көйгән исләр) булганда кешеләрне эвакуацияләү һәм янгынны сүндерү буенча чаралар күрегез һәм шунда ук 01, 2-32-01 телефоны буенча ашыгыч хезмәткә хәбәр итегез.
Айнур Галимуллин, районара күзәтчелек бүлеге начальнигы.
Следите за самым важным и интересным в Telegram-каналеТатмедиа
Нет комментариев