“Алъяпкычлар” күргәзмәсендә
Татарлардан рухи мирас белән бергә матди мәдәният өлкәсенә караган мирас та калган. Шундыйларның берсе — халыкның өс киеме. Өс киеменең бик борынгы төрләре, әлбәттә, безгә килеп җитмәгән. Ә инде җиткән кадәресе халкыбызның кабатланмас иҗади көчкә ия булуын күрсәтә. Гасырлар буена халык бу эшкә үзенең кул көчен генә түгел, бәлки матурлыкка омтылышын, хыялын, эстетик зәвыгын да салган. Шуларның берсе-алъяпкыч.
Алъяпкычларньң төрле фасондагыларын очратырга була: төрешле, канатлы, чигешле, сырлы. 21нче ноябрь көнне Сатыш авылы китапханәсе мәдәният йорты белән берлектә "Ак калфак" түгәрәгенә йөрүче ханымнар белән музей-мәдрәсәдә оештырылган алъяпкычлар күргәзмәсендә булдылар. Авыл һәм мәдрәсә тарихын, күренекле шәхесләрне барладылар. Уй-кичерешләре белән уртаклаштылар. Һәр катнашучыны әлеге очрашу һәм күргәзмә рухландырды.
Фото: saby.tatarstan.ru
Чыганак: saby.tatarstan.ru
Следите за самым важным и интересным в Telegram-каналеТатмедиа
Нет комментариев