“Бүген үк барабыз”

Бүген районыбызда уздырылган зона семинарында республиканың төньяк районнары аграрийлары 2022 ел уңышын формалаштыру буенча комплекслы чаралар күрү белән бәйле мәсьәләләр турында фикер алыштылар. Чара уңаеннан оештырылган күргәзмәдә, дилер буларак, “Сабагро” җәмгыяте дә катнашты. Аграрийларның байтагы семинардан: “Сайлауга бүген үк барып киләсе булыр инде”, дип таралышты. “Сабагро”ның запас частьлар бүлеге начальнигы Илнар Бадыйков та шундый фикердә. “Семинардан кайтуга, тормыш иптәшем Ләйсән белән үз участогыбызга тавыш бирергә барабыз. Киләсе елда улыбыз Динарга 18 яшь тула. Димәк, алдагы сайлауларда безнең гаиләдән тавыш бирүчеләр арта, алла боерса”,– ди Илнар.