ЭШ АРТКАННАН СЫЙФАТ КИМЕМИ
Узган җомгада Пенсия фондының Саба һәм Теләче районнары идарәсендә 2017 елдагы эшчәнлеккә хисап тоту җыелышы булды.
Идарә начальнигы Фәридә Якупова иң элек коллективта эш күләме зур ел булуга карамастан, алга куйган бурычларның уңышлы үтәлүен билгеләп узды. Теләче һәм Саба районнары буенча пенсия алучылар саны 14752 кешене тәшкил итә, шуларның 10300е Саба районында яши. 2010 елдан башлап пенсионерлар саны арта, димәк, идарәгә пенсия мәсьәләсе буенча мөрәҗәгать итүчеләр дә арта бара. Чиратлар булдырмас өчен алдан язылу тәртибендә кабул итү оештырылган. 2017 елда идарәгә 15 меңнән артык кеше мөрәҗәгать иткән. «Эш күләме арту исәбенә хезмәт күрсәтүнең сыйфаты кимергә тиеш түгел», – ди Фәридә Якупова. Узган ел Саба районы буенча өлкәннәргә һәм башка категория гражданнарга барысы 1,632 миллиард сум пенсия-пособие, башка төрле түләүләр бирелгән. Әлеге түләүләрнең 87 проценты фондка оешма-предприятиеләрдән күчерелгән иминият кертемнәре хисабына тәэмин ителгән. Чыгыштан аңлашылганча, быел пенсиянең уртача күләме узган елга караганда 612 сумга арткан...
Тулырак язманы "Саба таңнары" газетасында укый аласыз
Автор фотолары
Следите за самым важным и интересным в Telegram-каналеТатмедиа
Нет комментариев