Саба таңнары

Эзмәдәге кышкы спартакиадада катнашырга күрше районнардан да килделәр

Эзмә авыл җирлегендә  традицион  кышкы спартакиада үткәрелде.

Тамаша карарга  олысы-кечесе чыккан   иде. Барысы да ике  урында пешкән пылау белән сыйланды, кайнар чәй эчте. Чаңгы ярышларында мәктәп укучыларыннан Сафия  Галимова, Самир Дәминов, Салават  Галиев,  Лиана Хәбирова  Әдилә Хөснетдинова,  Ришат Галимҗанов,  Дилэрэ Гатауллина, Сөмбелә Биктимерова,   хатын-кызлардан  Илүзә Солтанова, Гөлнара Заһидуллина, Хания  Галимуллина, ир-атлардан Нияз Таипов, Данил Ганиев,   Делюс Вәлиуллин, Дамир Шакирҗанов, Әмин Миңнегулов үз яшь категорияләрендә җиңүче булдылар. Җиңүчеләргә һәм призерларга Грамоталарны башкарма  комитет  җитәкчесе  Марат Ишниязов тапшырды.  Барлыгы 10 команда катнашкан волейбол уенын Кукмарадан   килгән “Степан  Разин”  командасы отты. Курсабаш  авыл  җирлеге егетләре  2нче, Биектау  волейболчылары 3нче  урында. Хоккей уенына авыл җирлеге командалары гына кертелде һәм уен Эзмә командасының җиңүе белән тәмамланды.  Икенче  урында – Олыяз, 3нчедә Иләбәр  командалары.  Аларны Эзмә авыл  җирлеге башлыгы  Альмир Шәйхетдинов бүләкләде. Спартакиаданың спонсорлары –  «Игенче», “КФХ Әхмәтов” хуҗалыклары, «Саба ПМК Мелиорация», “Саба җитен”, “Сабагро” җәмгыятьләре, А.Мәүлетов, А.Зарипов, “В.Әхмәтов”, “Ч.Габдерах­манова” предприятиеләре.

Реклама

 

Без социаль челтәрләрдә: Инстаграм, ТикТок, ЮтубВКонтакте, ОдноклассникиТелеграм, Фейсбук, Твиттер, Яндекс.Дзен

 

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: