Саба таңнары
  • Тат Рус Лат
  • "Капка төбе" күңел ачу программасы

    Яшьләргә ятрак булса да, өлкән буын хәтерлидер, авылларда кич җиттеме капка төпләрендәге утыргычлар күрше-тирә белән тула иде. Соңгы яңалыклар, эшләнәсе эшләр барлана, кемдә өмә ясыйсы, кемгә булышасы, нинди бәйрәм оештырасы – барысы да шунда сөйләшенә. Аннан соң күңел ачулар башлана. Гармунга кушылып җырлау, уеннар , биюләр, капка төбендә кич утыруның дәвамы була иде.

    Өлкәннәр сагынып искә төшергәндә, 13 апрель көнне Кызыл Мишә мәдәният йорты хезмәткәрләре менә шушы гореф-гадәтне яңарттылар. Кич утыру өчен мәдәният йорты сәхнәсе капка төбе итеп әзерләнде. Әлеге чара үзешчәннәр сәхнәләштергән күренешләр татар халкының милли уеннары белән бергә ике сәгать дәвам итте. Кич буе уен- көлке, дәртле биюләр, күңелле җырлар тынып тормады. Тамашачы бу чараны яратып кабул итте.

    Фото: http://saby.tatarstan.ru

    http://saby.tatarstan.ru

    Нравится
    Поделиться:
    Реклама
    Комментарии (0)
    Осталось символов: