Әхәтовлар – гаилә династиясе конкурсы җиңүчеләре

Фәнил Мәүлетов, 31 март 2021 - 15:10

895

Авыл тормышы һәм эше – ул аерым яшәү рәвеше. Ә хезмәткә һәм туган җиргә мәхәббәтне буыннан-буынга күчерүчеләр тагын зур хөрмәткә ия.

Әхәтовлар – гаилә династиясе конкурсы җиңүчеләре

Нәкъ менә шундыйлар өчен Авыл хуҗалыгы һәм азык-төлек министрлыгы 2020 елда “Татарстан Республикасының гаилә фермер династиясе» конкурсы игълан иткән иде. Җиңүчеләрне сайлап алу критерийлары итеп КФХ әгъзалары һәм даими эшләүче хезмәткәрләр саны, дәүләт реестрында гаилә фермер династияләре теркәлүнең гомуми срогы буенча тупланган баллар саны билгеләнде. Конкурска март аенда йомгак ясалды. Жиңүчеләр ачыкланып, аларны Татарстан фермерлары хәрәкәтенең 30 еллык юбилее кысаларында бүләкләделәр. Йөз мең сум күләмендә премия алучылар арасында безнең районнан Әхәтовлар династиясе дә бар.