Түләнмәгән 20 штраф
Сабаның Кол Гали урамында ЮХИДИнең район бүлекчәсе инспекторлары полиция хезмәткәрләре катнашында исерек хәлдә транспорт чаралары белән идарә итүчеләрне ачыклау максатында “Тоннель” операциясе үткәрделәр. Чара барышында юл хәрәкәте кагыйдәләрен үтәмәгән 7 йөртүчегә беркетмә төзелде. Шуларның берсенең автомобиль йөртү хокукыннан мәхрүм ителә торып, руль артына утыруы ачыкланды.
ОСАГО килешүенең срогы чыккан килеш йөргәне өчен– 4, иминлек каешын эләктермәгән өчен 2 йөртүче административ җаваплылыкка тартылды. Моннан тыш үзизоляция режимын бозган 3 йөртүчегә беркетмә төзелде. “Тоннель” операциясе юл хәрәкәте кагыйдәләрен үтәмәгән өчен штраф түләмичә йөрүчеләрне дә ачыклый. ЮХИДИ хезмәткәрләре үзләренең электрон яки йорт адресларына штраф квитанцияләре килгән очракта түләүне сузмаска кирәклеге турында искәртә. Егерме көн эчендә түләгән очракта 50 процент ташлама да каралган. Кайберәүләр шушы мөмкинлектән ни өчендер файдаланмый. Әйтик, бер йөртүченең 20 (!) беркетмә буенча түләнмәгән штрафы барлыгы ачыклана.
Фото: архив/Фәнил Мәүлетов
Следите за самым важным и интересным в Telegram-каналеТатмедиа
Нет комментариев