Юлбат авыл китапханәсендә "Энҗе калфак - бик килешә йөземә" дип исемләнгән әңгәмә-мастер класс үткәрелде

автор, 21 гыйнвар 2022 - 10:51

672

Халык иҗаты һәм мәдәни мирас елы кысаларында, Юлбат авыл китапханәсендә мәдәният йорты белән берлектә "Энҗе калфак - бик килешә йөземә" дип исемләнгән әңгәмә-мастер класс үткәрелде. "Ак калфак" оешмасына йөрүче Гөлниса апа Төхвәтуллина калфак тегү серләрен өйрәтеп, мастер класс үткәрде.

Саба районы "Ак калфак" оешмасы җитәкчесе Билалова Ләйсән Рәкыйп кызы татар хатын-кызларының милли баш киеме-калфакның тарихы белән таныштырды. Китапханәче Хәмитова Нәсфия Әнәс кызы "Халкыбызның күңел җәүһәрләре" - китап күргәзмәсе белән таныштырып, китаплардан татар халкының милли киеме турында өзекләр тәкъдим итте.