Ватаныбыз – җәннәт бакчасы

Рәсәй дигән илдә яшибез,
Язгы яшеннәрдәй яшьнибез.
Гөрләп тора безнең эшебез,
Бик күпләргә үрнәк кеше без. 

Яшәү – бәхет. Дөнья бик серле,
Шул серләрне мәңге ачасы.
Серләр тулган дөнья бөртеге
Ватаныбыз – җәннәт бакчасы!.

Ил агасы бирде бар көчен
Татар илен үстерер өчен.
Ул батыр да, зирәк тә кеше,
Гасырларга барыр бар эше.

Яшәү – бәхет. Дөнья бик серле.
Шул серләрне мәңге ачасы.
Серләр тулган дөнья бөртеге
Ватаныбыз – җәннәт бакчасы!.

Ватаныбыз безнең бер генә,
Аны мактап җырлар җырлыйбыз.
Чәчәк кенә ул һәм гөл генә,
Татар илен данлап зурлыйбыз.

Яшәү –  бәхет. Дөнья бик серле.
Шул серләрне мәңге ачасы.
Серләр тулган дөнья бөртеге
Ватаныбыз — җәннәт бакчасы!..
Резедә Шәйдуллина,
Теләче районы,Сауш авылы.