"Динамо-Казан" волейболчылары елның беренче матчында ышанычлы җиңү яулады

“Динамо-Казан” хатын-кызлар волейбол командасы Россия чемпионатының 12 нче турында Чиләбенең “Динамо-Метар” клубыннан өстен чыкты.

Чиләбедә узган матч Казан кызлары файдасына 3:0 (25:10, 25:19, 25:19) исәбенә төгәлләнде. Бу Ришат Гыйләҗетдинов җитәкләгән команданың 2018 елда уздырган тәүге матчы һәм беренче җиңүе булды. Казан кызларының Россия чемпионатында җиңелүсез сериясе 10 матчка җитте.

12 турдан соң 33 очко туплаган “Динамо-Казан” командасы Россия чемпионатында беренче урында бара.

10 гыйнварда “Динамо-Казан” Чемпионнар лигасы кысаларында Польшада “Хемик Полице” командасы белән очраша.

Фото: Ильнар Тухбатов

http://tatar-inform.tatar