БАЙЛАР САБАСЫНДА ЯШӘҮЧЕ ИСМӘГЫЙЛЬ ИБРАҺИМ УЛЫ МӨХЕТДИНОВКА 1 ГЫЙНВАР КӨННЕ - 70 ЯШЬ!

Кадерле әтиебез! Олуг юбилеең уңаеннан их­­лас тәбрикләүләребезне кабул итеп ал!  Тор­мышыбызның алтын баганасы, олы терә­ге­без, туры юл күрсәтүчебез, һәр эшебездә зур киңәшчебез син. Алдагы гомер юлында да без синең һәрвакыт көр күңелле, көчле рухлы, сәламәт булуыңны телибез. Безгә биргән яхшы тәрбияң өчен мең-мең рәхмәт. Сөекле әниебез белән озак еллар иңне-иңгә куеп, безгә үрнәк булып яшисез. Ходай Тәгалә киләчәктә дә тигезлегегездән аермасын. Әле озак еллар сезнең янга ашкынып килергә, көләч  йөзегезне күреп куанырга язсын иде!

Алгы көннәрдә дә  бәхетебез

Булсын иде тулы, түгәрәк.

Синнән җылы алып һаман шулай

Гомер кичсәк иде бергәләп.

70 яшь дип уфтанма син,

Хикмәт яшьтә түгел, яшьнәүдә.

Таза, тыныч тормыш телибез без

 Сиңа алга таба яшәүдә!

Иң изге теләкләр белән әниебез Тәнирә, улың Ирек, киленең  Лилия, кызың Илсөяр, киявең Булат, оныкларың Илсаф, Илзат, Мурат, Зәлинә.

Фото: pixabay.com