Синоптиклар иртәгә республикада көчле җил чыгуы турында кисәтә.
Татарстан синоптиклары иртәгә, 14 декабрьдә, республикада буран һәм томан төшүе турында кисәтә.
Ккөньяктан искән җилнең секундына 15-20 метрга кадәр җитеп көчәюе ихтимал Шулай ук буран аркасында күз күреме 500 метр һәм аннан да азрак булырга мөмкин. Юлларда бозлавык саклана.
Һава температурасы төнлә -1..-6, көндез исә -2..+2 градус булачак.
Бу хакта Татарстан Гидрометеорология һәм әйләнә-тирә мохитне күзәтү идарәсеннән хәбәр иттеләр.
Нет комментариев