Төнлә 20 градуска кадәр суыта

9-нчы декабрьдә Казанда алмашынучан болытлы һава, явым-төшемсез булачак. Төньяк-көнбатыштан талгын җил. Төнлә һаваның минималь температурасы 15-17 градус салкын, аязганда – 20 градуска кадәр, көндез 9-11 градус салкын булачак. Юлларда бозлавык саклана.

Гомумән алганда, республикада шулай ук алмашынучан болытлы һава торышы көтелә, явым-төшемнәр фаразланмый. Төньяк-көнбатыштан талгын җил. Төнлә һава температурасы 14-19 градус нульдән түбән, аязган вакытта – 21-26 градуска кадәр, көндезге сәгатьләрдә – 8-дән 13 градуска кадәр салкын булачак, юлларда бозлавык, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Фото: Денис Гордийко

Чыганак: kzn.ru