Казанда өч машина бәрелешеп, бер ир-ат имгәнгән

Казанда өч җиңел автомобиль катнашындагы юл һәлакәтендә бер ир-ат зыян күргән. Бу хакта «Татар-информ» агентлыгына әлеге аварияне үз күзләре белән күргән кешеләр хәбәр итте.

«Нагорный бистәсендә Себер трактында 14нче модельле «Лада» каршы як полосага чыгып, «Приора»га бәрелгән, шуннан соң «Грейт Волл» автомобиле белән бәрелешкән», - дип сөйләгән авариянең шаһитлары.

Авариядән соң, 14нче модельле «Лада»ның йөртүчесен 7нче шәһәр хастаханәсенә озатканнар. Ир-ат аягы авыртуга зарланган.

Фото: очевидцы

https://tatar-inform.tatar