77 яшьлек әби юлны җәяүлеләр кичүеннән читтә чыга торган булган.
Казанда яңа елның беренче көнендә машина бәрдереп киткән пенсионер хатын-кыз алган җәрәхәтләрдән үлгән. Бу хакта шәһәр автоинспекциясе хәбәр итә.
67 яшьлек “Жигули” хуҗасы куркынычсызлык тизлеген дөрес сайламаган һәм юлны җәяүлеләр кичүеннән читтә чыгып барган 77 яшьлек әбине бәрдергән.
Юл-транспорт һәлакәте 1 гыйнварда 15 сәгать 15 минутта Мәүлет урамындагы 29нчы йорт каршында булган.
Юл-транспорт һәлакәте аркасында җәрәхәтләр алган әби хастаханәгә озатылган. Ул ике көннән вафат булган.
Нет комментариев