Мамадыш районында 46 яшьлек хатын-кыз янып үлгән

Мамадыш районының Иске Комазан авылында 46 яшьлек хатын-кыз янып үлгән, дип хәбәр иттеләр «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән.

Янгын кичә көндез Совет урамындагы 33нче йортта чыга. Янгынның гомуми мәйданы 144 квадрат метр тәшкил итә.

Янгын аркасында 50 яшьлек йорт хуҗасы зыян күрә. Аны хастаханәгә озаталар. Гадәттән тыш хәлләр министрлыгы хезмәткәрләре янгын сүндергәндә йортта хатын-кызның үле гәүдәсенә тап була.

Башлангыч мәгълүматларга караганда, янгынның сәбәбе – саксыз тәмәке тарту.

Фото: архив/Ильнар Тухбатов