Татарстанда М7 трассасында җиңел машина фураны узарга чыккан һәм автобуска килеп бәрелгән
Юл һәлакәте нәтиҗәсендә төрле тән җәрәхәтләре алган җиңел автомобиль шоферын һәм автобус пассажирын хастаханәгә озатканнар.
Татарстанда М7 трассасында «Хендэ» автомобиле фураны узарга чыккан һәм «НефАЗ» автобусына килеп бәрелгән. Бу хакта «Татар-информ» агентлыгына ТР буенча Эчке эшләр министрлыгының матбугат хезмәтеннән хәбәр иттеләр.
«Бүген иртәнге тугызынчы яртылар тирәсендә М7 трассасында – Йошкар-Ола – Яшел Үзән автомобиль юлының 97нче чакрымында «Хендэ» автомобиле шоферы, башлангыч мәгълүматларга караганда, «КАМАЗ» машинасын узарга дип каршы як полосага чыккан һәм салонында 25 пассажир булган «НефАЗ» автобусы белән бәрелешкән», - дип искәрттеләр ведомствоның матбугат хезмәтендә.
Юл һәлакәте нәтиҗәсендә җиңел автомобильнең 48 яшьлек йөртүчесе һәм автобус пассажиры төрле тән җәрәхәтләре алган. Авария булган урында ЮХИДИ хезмәткәрләре эшли. Һәлакәтнең сәбәпләре ачыклана.
Следите за самым важным и интересным в Telegram-каналеТатмедиа
Нет комментариев