25 март көнне бер сәгатькә утны сүндереп торырга тәкъдим ителә

Акция һәр ел мартның соңгы шимбәсендә Бөтендөнья кыргый табигать фонды (WWF) инициативасы белән үткәрелә һәм төрле илләрдә яшәүчеләрнең энергия ресурсларын саклау, планетар масштабта экология вәзгыятен яхшырту проблемаларын хәл итүдә теләктәшлеген символлаштыра. Быел ул 25 мартта 20.30-21.30 сәгать аралыгында узачак. Оешма-предприятиеләргә һәм учреждениеләргә әлеге акциягә кушылырга һәм гражданнарның тормыш эшчәнлеге иминлеге белән бәйле булмаган объектларда бер сәгатькә утны сүндереп торырга тәкъдим ителә. Бу электр энергиясен экономияләргә мөмкинлек бирәчәк. 2016 елда акциядә 172 ил һәм 2 миллиардка якын кеше катнашкан. Россиядә акцияне төрле шәһәрләрдә яшәүче 20 миллион кеше хуплаган.