Кече Шыңар авылы кешесе өй шартларында спиртлы сыекча әзерләгән һәм саткан

Мондый кыңгыр гамәл өчен 300 мең сумга кадәр штраф, яки 360 сәгатькә кадәр мәҗбүри эш, яисә ике елга кадәр иректән мәхрүм итү каралган. Өй шартларында су кушып ясалган спиртлы эчемлек кеше сәламәтлеге өчен куркыныч тудыра. Кече Шыңар авылында яшәүче үзенең ярамаган гамәленең нинди нәтиҗәләргә китерергә мөмкин икәнлеген белә торып, кыңгыр эш­чәнлеген дәвам иткән. Хөкем ителүче судта үзенең гаебен таныды һәм үкенүен белдерде. Судья гаепләнүчене мәҗбүри эшкә тарту турында хөкем карары чыгарды.

Район суды матбугат хезмәте.