Саба районы Миңгәр авылы Сабан туеның көне билгеле: батырлар мәйдан сайлый [+фото]

Миңгәр авылындагы традицион кичке Сабантуй быел 4 июньдә уздырыла. Төп күрке, әлбәттә, милли көрәш булачак. Миңгәр Сабан туе программасына балалар, үсмерләр, хатын-кызлар, ир-атлар һәм ветеран-көрәшчеләр арасында бил алышулар кертелгән. Аларны үлчәү һәм теркәлү - кичке 5тә, яшь көрәшчеләр арасында бил алышулар 19:00 сәгатьтә башлана. Шунысы кызык: бу көнне Ульян өлкәсендә Бөтенроссия авыл Сабан туе да уза. Димәк, батырлар алдында мәйдан сайлау мәсьәләсе дә баш калкыта.

Миңгәр Сабан туенда көрәштә үлчәү авырлыклары:

балалар (2001 елга кадәргеләр) - гомуми үлчәү авырлыгы;


үсмерләр (1999-2001) - гомуми үлчәү авырлыгы;


хатын-кызлар (1998 елгы һәм өлкәнрәкләр) - 65 кг һәм 65+ кг;



ветеран-көрәшчеләр (1950 елгы һәм өлкәнрәкләр) - гомуми үлчәү авырлыгы;


ир-атлар (1998 елгы һәм өлкәнрәкләр) - 80 кг һәм 80+ кг. Азактан баш батыр ачыклана.

Миңгәр Сабан туенда узган ел Теләчедән Рамил Корбанов баш батыр булып танылган иде. Былтыр көрәшнең мавыктыргыч булуы хакында бил алышырга Ульян батыры Сергей Павликның кайтуы гына да күпне сөйли. Сергей Павликны Саба көрәшчесе, хәзер Питрәч өчен көрәшүче - Фәрхәт Фәйзуллин, ә Фәрхәтне Рамил Корбановның отуы 2015 елгы Сабантуй тарихына язылды.

http://intertat.ru