Ана кеше кызын эт оясында тоткан

Казанда яшәүче ханым гаиләсенә опека органнары ике ел элек игътибар бирә башлый. Балигъ булмаган ике кызы булган ана беркайда да эшләми, спиртлы эчемлекләр куллана, начар тормыш алып бара. Кызлар үсештә нык артта кала, даими рәвештә ач торалар, тамаклары туймагач, аларда рахит билгеләре күренә башлый. Кызларның берсе хәтта эт оясында эт белән йоклый. Судта ананың ике түгел, өч кызы булуы ачыклана. Аларның әтиләре төрле. Олы кыз әтисе тәрбиясендә була. Хәзер ананы ата-ана хокукыннан мәхрүм итү турында карар кабул ителгән. Кызлар балалар приютына озатылачак.

Әлмәт таңнары