Районыбызга республиканың бер төркем мөселман яшьләре кайтты [+фото]

Кичә районыбызга республиканың бер төркем мөселман яшьләре кайтып төште. Чыгышлары белән Яшел Үзән, Кама Тамагы, Арча районыннан, Казан шәһәреннән булган һәм бүгенге көндә дөньяви һәм дини уку йортларында белем алучы бу кызлар-егетләр кышкы ялларын әнә шулай безнең Саба төбәгендә үткәрергә ниятләгәннәр. Программада кышкы һавада чаңгыда, йөрү, Лесхозның боз сараенда тимераякта шуу, Иләбәр авылы мәчете биләмәсендә балалар өчен викторина үткәрү, кыскасы, мөселман яшьләре белән аралашу, киләчәккә матур максатлар билгеләү. Бүген Саба җәмигъ мәчетендә Саба яшьләре белән берлектә интеллектуаль уен үткәрелде.