Филүс Каһировның Америкада узган гастрольләре турында сөйләшәчәкләр

автор, 19 февраль 2019 - 09:43

880

Матбугат конференциясенә гаммәви мәгълүмат чаралары вәкилләре чакырыла.

19 февральдә, 11:00 сәгатьтә "Татар-информ"да татар артистларының беренче тапкыр Америкада һәм Канадада узган гастрольләренә багышланган матбугат конференциясе узачак.

Чарада Татарстанның атказанган артисты Филүс Каһиров, гастроль турында катнашкан Татарстанның атказанган артисты, баянчы Рөстәм Рәхмәтуллин, Татарстанның атказанган артистлары, биючеләр Ренат һәм Татьяна Мифтаховлар, Филүс Каһировның тормыш иптәше Эльмира Каһирова катнашачак.

"Татар-информ" сайтында матбугат конференциясеннән онлайн трансляция оештырылачак. Сорауларны онлайн-видеога комментарий аркылы яисә WhatsApp мессенджеры аша +7 (927) 037-91-10 номерына юлларга мөмкин. Гәммәви мәгълүмат чарасының исемен күрсәтү сорала.

Аккредитация өчен электрон почта: pr@tatar-inform.ru.