Татарстанда бер ир-ат бурычлы хатынына үч итеп алиментларын түләми яшәгән

Алиментлары буенча бурычы булган Бөгелмәдә яшәүче ир-ат ике елдан артык рәсми эш урынын яшереп яшәгән. Суд приставының тырышлыгы белән бурычлының эш урынын ачыклауга ирешелгән. Запроска җавапта язылган мәгълүматны тикшереп, суд приставы-үтәүчесе бурычлы затны бүлеккә чакырган. Кабул итү барышында ул, элек аның тарафыннан язылган аңлатмаларда һәрвакыт беркайда да эшләмәве турында сөйләгән. Шул рәвешле ул баласы белән күрешергә рөхсәт бирмәгән тормыш иптәшеннән үч алырга теләгән.

Бу вакытта алимент түләттерүче озак вакыт яшәгән Ямал-Ненец автоном округыннан Бөгелмә якларына әти-әнисе янына кайткан булган һәм әтисенә баланы үзенә алып торырга рөхсәт биргән. Суд приставы ханымны үзенә чакырткан һәм бурычлының эш урыны турында мәгълүмат җиткергән. Шулай ук аны, бүлек башлыгы исеменә РФ Җинаять Кодексының 157 нче маддәсе буенча җинаять билгеләре табу турындагы рапорт төзелүе турында хәбәрдар иткән.
Элеккеге иренең алдавына, шулай ук аның өч елдан артык алимент түләмәвенә карамастан, алимент түләттерүче баласының атасына мөнәсәбәттә җинаять эше кузгатмауны сорап гариза язган. Башкарма документның күчерелмә нөсхәсе хезмәт хакыннан 50 процент өлешен тотып калу өчен бурычлының эш урынына юлланган. Бу хакта Суд приставлары федераль хезмәте ТР буенча идарәсенең матбугат хезмәте хәбәр итә.

Татар-Информ.