Татарстанда эшләми торган көннәр озайтылмаячак

Татарстанда эшләми торган көннәрне 7-нче ноябрьдән соң озайтмаячаклар. Мондый карарны Республика Президенты Рөстәм Миңнеханов кабул итте. Эпидемологик вәзгыять турында аңа бүген оператив штаб хәбәр итте.

Элек кертелгән чикләүләр һәм кайбер объектларның эшенә тыюлар, тамаша-күңел ачу һәм массакүләм чаралар уздыруны тыю санитар-эпидемиологик вәзгыять яхшырганга кадәр дәвам итәчәк, дип хәбәр иттеләр «Татмедиа» агентлыгында.

Эпидемологик вәзгыятькә карап, өстәмә чикләү чаралары кертү мөмкин. Аларның исемлеге хәзер Татарстан Хөкүмәте каравында.

Фото: Денис Гордийко

Чыганак: kzn.ru