“ВАЗ-21713” машинасы янында барган җәяүлене бәрдерә

(Казан, 23 июнь, "Татар-информ"). Кичә Татартстанда кешеләргә шәхси бәла-каза китергән 12 юл-транспорт һәлакәте булган. Нәтиҗәдә, 1 кеше һәлак булган, 20сенең тәне төрле дәрәҗәдә җәрәхәтләнгән.

ТРның Тукай районының Яр Чаллы - Водозабор юлының 16нчы чакрымында "ВАЗ-2114" машина йөртүчесе, интервалны дөрес сайламау сәбәпле, "ВАЗ-21713" машинасына яны белән килеп керә һәм "ВАЗ-21713" машинасы янында барган җәяүлене бәрдерә. Нәтиҗәдә, җәяүле һәлак була, дип хәбәр итә ТР Транспорт һәм юл хуҗалыгы министрлыгының матбугат хезмәте.