Балалар сәхнәгә бию кую буенча осталыкларын күрсәттеләр

  Халыкара бию көне  1982 елда ЮНЕСКО Халыкара бию советы инициативасы белән гамәлгә куелган. Датаны педагог һәм хореограф Петр Гусев тәкъдим итә. Ул очраклы гына сайланмаган: 29 апрельдә Француз балетмейстеры, хореограф һәм балет теоретигы, реформатор Жан-Жорж Новерр туган, ул тарихка «заманча балетның атасы»буларак кергән. 
 Әлбәттә, бәйрәм төрле бию чаралары белән бәйле: актерлар спектакльләр куялар, шул исәптән урам, театр һәм мәктәпләр ачык ишекләр көннәрен үткәрәләр, кешеләр массакүләм бию флешмоблары оештыралар... 
 Саба балалар сәнгать мәктәбенең хореография бүлеге дә  традицион рәвештә "Бию калейдоскопы!" дип аталган төрле стильдәге бию кичәсе оештырды. Кичә  бию  конкурсы формасында узды, шуңа күрә хореография бүлегенең укытучылары Альбина Мөбарәкҗанова  һәм З.Әхмәтшина   барлык укучылары концерт номерлары әзерләделәр. 
  Шунысы игътибарга лаек, хореография бүлегенең 4-5 сыйныф укучылары үзләре куйган биюләрен күрсәттеләр. Алар үзләре музыкаль материалны сайлап алдылар, бию идеясен, сюжет, костюмнар, реквизитлар  уйлап таптылар,  репетициялар уздырдылар. Сәхнәгә куелган биюләрнең тематикасы төрле иде: халык, стильләштерелгән,  заманча, балалар биюләре... Биюләрне компетентлы жюри бәяләде, аның составына тәҗрибәле педагог - хореографлар  бар иде. Чыгышлар нәтиҗәләре буенча җиңүчеләр билгеләнде һәм 1-2-3 дәрәҗә лауреат дипломнары белән бүләкләнде. Гран-Прига 5 класс укучылары "Тау битендә" биюе өчен лаек булды. 
Бу чара укучыларга иҗади рәвештә ачылырга һәм иҗади фантазияне үстерергә, коллективта эшләргә, бер-берсенә хөрмәт  белән карарга өйрәтте.