Иләбәрдә иманлы балалар тәрбияләнә

  Иләбәр авылы мәчетендә балалар өчен дини укулар төгәлләнде. 30дан артык бала дини гыйлем үзләштерде. Дәресләрне  мәчет  имамы Рушан хәзрәт  Гыйльманов, Кукмара мәдрәсәсендә белем алучы Рүзәл Заһидуллин, Рүзәл Җамалов, Әминә Гыйльманова үткәрде. Соңгы көнне балалар өчен Корбан итеннән шулпа әзерләнде, тәм-томнардан табын корылды. Соңыннан һәркайсына иганәчеләр – Айдар Мәүлетов, Алмаз Зарипов, Айнур Зарипов, Данис Заһидуллин, Райнур хәзрәт Газизов ярдәме белән әзерләнгән  күчтәнәчләр таратылды. Аллаһы Тәгалә разый булсын!