Иминлекләрен кайгыртмаганнар

автор, 31 март 2022 - 13:25

1174

Агымдагы ЮХИДИнең район бүлекчәсе инспекторлары полиция хезмәткәрләре белән берлектә Шәмәрдәннең Төзүчеләр урамында иртәнге сәгатьтә үткәрелгән “Тоннель” операциясе барышында барысы 82 автомобиль туктатылды.

Шуларның арасыннан 10 йөртүченең юл хәрәкәте кагыйдәләрен үтәмәүләре ачыкланды. “Язгы каникуллар” чарасы вакыты була торып та, балаларын махсус утыргычсыз йөрткән өчен 6 йөртүче административ җаваплылыкка тартылды. Автомобиль белән идарә итүчеләрнең 4есе үзләре дә иминлек каешын эләктермәгән иде. Рейд барышында юл хәрәкәте кагыйдәләрен үтәмәүләре сәбәпле салынган штрафлары булу-булмавы да тикшерелде. Штрафларын вакытында түләмәгән өчен март аенда 8 йөртүчегә арест чарасы кулланылды.