Юлдагыларны өйдәгеләре көтә

   Акциянең төп максаты – юл-транспорт һәла­кә­тендә үлүчеләрне тагын бер кат искә алу һәм шулай ук аварияләрнең күп булуына игътибарны юнәлтү. Әлеге дата  уңаеннан Шәмәрдән лицееның “Светофорчик” ЮИД отрядында һәм “Беренчеләр хәрәкәте” оешмасы составын­да  торучы  укучылар ГАИ инспекторлары белән бер­лек­тә акциягә чыктылар. Машиналар хәрәкәте бе­теп тормаган, тротуардан җәяүлеләр барган  урам­ның  үз  ка­гый­дәләре бар. Шулардан  чыгарга  ярамый. Юкса, күңелсезлекләргә юлыгуың бар. Бәхетсезлек тә  ерак  йөрми. Быел Россиядә юл-транспорт  һә­ла­кәтләрендә 11535 кешенең гомере  өзелгән. Шуларның 674е – балалар. Транс­порт  чаралары белән  идарә итүчеләрне йөр­гән саен шомара дип  уйлый күрмәгез. Стажлары 30 елдан артканнар барлык  аварияләрнең 17,5 процентына сәбәпче булган. Ике-биш ел руль артында йөрүчеләр өчен  бу күрсәткеч 10,1 процент тәшкил итә. ГАИ хезмәткәренең тыл­сымлы таягы  автомобильләрне туктаткач, “Юл хәрәкәте иминлеге” дәүләт бюджет учрежде­ниесе район  бүлекчәсе начальнигы  Гүзәл Ягә­фәрова  йөртүчеләргә акциянең максатын  аң­лат­ты. Чара укучылар өчен дә “ликбез” булып әве­релде. Таксист Айдар Шәрәфиев яшь инс­пекторларны тыңлап кына калмады, киңәшләрен дә  бирде. “Юл аркылы бары тик “зебрадан” гы­на чыгарга кирәк. Әле ул да абсолют өстенлек бирми. Җәяүлеләр сукмагыннан чабып чыгарга ярамый. Хәзер бозлавык, машина туктап бетә  алмаска мөмкин”, – дип  аңлатты  ул.  ЮИД от­ря­ды җитәкчесе,  укытучы Эльмира Гәрәева: “Ав­то­мо­бильнең туктаячагына тәмам  ышангач  кына “зеб­радан”  чыгарга  кирәк”, – дип өстәде.   Юл-пат­руль хезмәте  инспекторы  Фаил  Мәҗитов та  әң­гәмәгә  кушылды. Шунысы  куанычлы, ул туктаткан автомобиль йөртүчеләрнең үзләрен һәм гаиләләрен, туганнарын юл  фаҗигаләре  читләп  үткән. Гел шулай була күрсен. Ә  менә Айдар Хәй­руллин 11  ел элек Казанда  энесе белән килеп  чыккан бәхетсезлек очрагын  көрсенеп искә  ал­ды.  Аны таптап  киткән йөртүченең  психик  тай­пылышлары булган дип табылган. Ни  аяныч,  шун­дыйлар  да чыга  юлларга һәм башкаларга  кайгы-хәсрәт  китерә.

Акция барышында яшь инспекторлар  маши­на йөртүчеләргә, аларның пассажирларына, җәяү­леләргә юл хәрәкәте  кагыйдәләре белеш­мә­­лекләре, яктылык кайтаргыч элементлар, “Соб­­людаем правила – переходим правильно”  сло­­ганлы ручкалар тапшырдылар.