Камил – бәйге җиңүчесе

"Сабантуй" балалар журналы Татарстан Авыл хуҗалыгы һәм азык-төлек министрлыгы белән берлектә 2023 елның 1 апреленнән 1 декабренә кадәр "Эш батыры - ил батыры" дип исемләнгән бәйге игълан иткән иде. Ул ике номинациядә үтте. Нәтиҗәдә республиканың төр­ле районнарыннан килгән 40лап эш арасында  "Видеоролик" но­минациясендә Саба сәләтле ба­лалар мәктәбенең 1Б сыйныфы укучысы Камил Галимбәков (җи­тәкчесе Альбина Салихова) 1нче урынга лаек булды. Камил Казанчы Бигәнәй авылында яшәүче, 2014 елда Татарстан Республикасының атказанган сыер савучысы исеменә лаек булган, хәзерге  вакытта лаеклы ялдагы Равия Хәсәнова белән интервью эшләде.