Кукмара районының «Беренчеләр хәрәкәте» активистлары Югары Утар балалар йортында тәрбияләнүчеләр янында булдылар

18 гыйнварда, волонтерлык эше кысаларында, Янил урта мәктәбе «Беренчеләр хәрәкәте» активистлары, тәрбия буенча киңәшче А. Х.Хисмәтова А.Х., педагог-оештыручы Э.Г. Галимуллина белән бергә, интернатта  тәрбияләнүчеләргә «Кызыл алмалар» спектакленнән өзек күрсәттеләр. Актлар залындагы җылы очрашу, балаларның кайнар алкышлары тәрбияләнүчеләрнең дә, чыгыш ясаучыларның да исендә калды. Чара ахырында килгән кунаклар татлы бүләкләр һәм мәктәп кирәк-яраклары бүләк иттеләр.  Балалар интернат йорты директоры Марсель Хуҗин кунакларга зур рәхмәт белдерде, иҗади уңышлар теләде.