Мәскәүдән – җиңү белән

Лесхоз урта мәктәбенең “Нургали оныклары” мәктәп урманчылыгыннан Ислам Билалов, Ильвина Насыйбуллина, Арина Тапайкина составындагы команда Татарстан данын яклап, Мәскәү өлкәсенең Пушкино шәһәрендә узган VII Бөтенроссия мәктәп яны урманчылыклары съездында уңышлы  чыгыш  ясады. Чарада Россиянең 65 төбәгеннән 350дән артык укучы, аларның җитәкчеләре катнашты. Яшь  урманчылар белән өч  көн дәвамында илебезнең төп байлыгы  өйрәнүгә, саклауга, торышын бәяләүгә, торгызуга  кагылышлы  мастер-класслар үткәрелде. Укучылар  үзләрен кырда узган практик  чараларда   күрсәттеләр, эш тәҗрибәсе  уртаклаштылар. “Урманнарны бергәләп  саклыйк!” команда  проектларын  тәкъдим иттеләр. Ярыш  программалары йомгаклары буенча “Нургали оныклары”  мәктәп  урманчылыгы  3нче призлы  урынны   алды.