Саба балалар сәнгать мәктәбе укучылары Сатыш музей-мәдрәсәдә экскурсиядә булдылар
5 май көнне Саба балалар сәнгать мәктәбе укучылары өчен Сатыш авылында урнашкан Россиядәге бердәнбер интерактив музей-мәдрәсәгә экскурсия үткәрелде . Музей12 планшет белән җиһазландырылган, анда дүрт телдә (рус, татар, инглиз һәм гарәп) мөфтиләр һәм имамнар өчен борынгы училище турында бөтен мәгълүмат күрсәтелгән.
Мәдрәсәне 1865 елда төзиләр, ул вакытта ул авылда бердәнбер кирпеч бина һәм ул вакытта төбәктә иң зур мәдрәсәләрнең берсе була. Хәзер бу бина — районның тарихи-мәдәни һәйкәле. Күп еллар дәвамында бина ярым җимерек хәлдә торды. 2018 елда гына Татарстан Президенты йөкләмәсе буенча аны реставрацияләделәр һәм музей буларак ачтылар. Музей экспозициясе мәдрәсәнең тарихын һәм укучыларның көнкүрешен чагылдырган чын предметларны үз эченә ала. Музей коллекциясендә шәкертләрне укыткан борынгы китаплар сакланган.
Бигрәк тә балаларга кайчандыр эшләгән мәдрәсәнең миниатюр күчермәсе һәм Саба районы авыллары мәчетләре буенча интерактив сәяхәт ошады. Шулай ук биредә дөньяның иң зур дини корылмалары тарихы турында белергә һәм Мәккәдәге әл-Харам мәчетеннән турыдан-туры трансляцияне күрергә мөмкин.
Бүгенге экскурсияне укучылар бик ошатты. Үзләренә бик күп кызыклы һәм кирәкле мәгълүмат алдылар.
Фото: saby.tatarstan.ru
Чыганак: saby.tatarstan.ru
Следите за самым важным и интересным в Telegram-каналеТатмедиа
Нет комментариев