Сабада ветераннарга бүләкләр тапшыру башланды

Эзмә авыл  җирлегендә   Бөек Ватан сугышы ветераннарының тол хатыннарына Бөек Җиңүнең 77 еллыгы уңаеннан Татарстан Президентының  махсус бүләкләре тапшырылды.  Хәзерге  вакытта Эзмәдә ирләре  сугышта булган Зәкиябану Фазлыева, Шәмсенур Гайнулллина, Иләбәрдә Манифа Фатыйхова   яши. Игелекле гамәлне Эзмә  авыл җирлеге башлыгы  Альмир Шәйхетдинов  башкарды. Чарада Эзмә урта  мәктәбенең  яшьармиячеләре дә  катнашты.