Көз бәхет өләшә

Авылым сукмакларыннан

Көз йөгерә каршыма.

Алтынсу ефәк күлмәген

Күрсәтергә ашыга.

Кырларында икмәк исе

Авыздан су киетрә.

Әйтерсең лә, әни мичтә

Көлчә-ипи пешерә.

Көнбагышлар күккә баккан-

Кояш аларга маяк.

Кукурузның ал чәчләрен

Таң җиле исе тарап.

Көз йөгерә, көз ашыга,

Көз шатлана муллыкка.

Көз-чибәр горур елмая

Кырлардагы байлыкка.

Бакчаларны, басуларны

Алтын туйга әзерли.

Ап-ак нәфис ефәк җептән

Бөркәнчек үреп йөри.

Котлы булсын алтын туең,

И, авылымның көзе!

Тынычлык, муллыктан балкып,

Көлсен авылым йөзе!

Авылым сукмакларыннан

Көз йөгерә каршыма.

Көз-чибәр, бәхет өләшеп,

Өлгерергә ашыга.

Илмира Гыймаева.