Гагарин кубогын Әлмәткә алып кайттылар

Гагарин кубогын Әлмәткә алып кайтканнар. Бу турыда almetievsk-ru.ru сайты хәбәр итте.

• Гагарин кубогы — Континенталь хоккей лигасында плей-офф сериясендә җиңгән командага бирелә торган хоккей призы. 2008/2009 елгы сезоннан башлап тапшырыла. Беренче космонавт Юрий Гагарин исеме белән аталган.

Быел «Ак Барс» хоккей командасы өченче тапкыр Гагарин кубогына ия булды.

Бүген, 18 майда, Кубокны «Татнефть» компаниясе штаб-фатирының төп холлында иртәнге 7.30 дан 15.00 сәгатькә кадәр тоталар.

Шуннан соң Кубокны Татарстан нефтенең 60-еллыгы исемендәге паркка алып киләчәкләр. 16.00 сәгатьтән шәһәр кешеләре Кубокны карый алачак, диелгән әлеге хәбәрдә.

18.10 сәгатьтә Артём Лукоянов белән автограф-сессия була.

Фото: архив/Ильнар Тухбатов