Саба таңнары

Сабинский район

18+
2024 - Гаилә елы
Көн темасы

Үзара салым буенча референдумда сайлаучыларның 69 процентка якыны тавыш биргән

18 ноябрьдә Татарстанда үзара салым буенча җирле референдумнар һәм җирле үзидарә депутатларын өстәмә сайлаулар узды.

18 ноябрьдә үзара салым буенча җирле референдумнарда сайлаучыларның 68,87 проценты (565 640 кеше) катнашкан. Бу хакта Татарстан Республикасы Үзәк сайлау комиссиясенең матбугат хезмәте хәбәр итә.

Референдумнар 844 җирлекнең 838ендә узган дип табылган. Бары тик 6 җирлектә генә тавыш бирүчеләр саны 50 проценттан азрак булган.

Бу көнне Әгерҗе, Әтнә, Яшел Үзән, Сарман районнарында җирле үзидарә депутатларын өстәмә сайлаулар да узды. Анда сайлаучыларның 61,74 проценты (2241 кеше) катнашкан. Сайлаулар нәтиҗәсендә «Бердәм Россия» партиясе – 10, үз-үзен кандидат итеп итеп күрсәтүчеләр 2 мандатка ия булган.

«Сайлау процессында катнашучыларга тавыш бирү оештырылган бинага ирекле кереп-чыгып йөрү мөмкинлеге тудырылды. Сайлау комиссияләре әгъзалары килгән барлык мөрәҗәгатьләргә үз вакытында җавап һәм аңлатмалар бирде», - диелә хәбәрдә.

Фото: архив/Татар-информ

https://tatar-inform.tatar/

 

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X