Саба таңнары
  • Тат Рус Лат
  • Синоптиклар буран, юеш кар һәм бозлавык вәгъдә итә

    Юлларда урыны белән көчле бозлавык саклана.

    25-нче гыйнварда Казанда аязучан болытлы һава торышы көтелә. Азрак кар, юеш кар явачак, күз күреме 1-2 километрга кадәр начараю белән буран булырга мөмкин. Җил - көньяк-көнбатыштан, көнбатыштан, уртача.

    Бүген төнлә һава температурасы 6-8 градус салкын булачак, көндез 25-нче гыйнварда минус 1-3 градус булачак. Юлларда урыны белән көчле бозлавык саклана.

    Тулаем республика буенча шулай ук кар һәм юеш кар көтелә. Аерым районнарда буран, бозлавык. Җил көньяк-көнбатыштан, көнбатыштан, урыны белән секундына 16 метрга кадәр көчле булачак. Һава температурасы төнге сәгатьләрдә минус 6-11 градус булса, көндез минус 1-6 градус булачак.

    Якшәмбе, 26-нчы гыйнварда, республикада болытлы һава торышы көтелә, көндез аязучан булачак. Вакыты белән кар явачак, иртән һәм көндез аерым районнарда буран булырга мөмкин. Җил - көньяктан, төньяк-көнбатышка күчүчән, талгын, иртән, көндез урыны белән көчәйгәндә секундына 16 метрга кадәр җитәчәк. Һава температурасы төнлә минус 4-9 градус булачак, көндез - минус 2-7 градус. Юлларда бозлавык саклана, дип хәбәр итә ТР Гидрометеорология һәм әйләнә-тирә мохитне күзәтү идарәсе.

    Фото: kzn.ru

    Чыганак: kzn.ru

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: