Синоптиклар көчле җил булачагы турында кисәтә

Синоптиклар Татарстан һәм аның башкаласында яшәүчеләрне һава шартларының начарлануы турында кисәтә. Төнлә һәм көндез яңгыр, юеш кар, кар явачак. Җил көньяк-көнбатыштан, көнбатыштан уртача, көндез урыны белән көчәйгәндә тизлеге секундына 15-17 метрга кадәр җитәчәк. Юлларның аерым участокларында бозлавык барлыкка килергә мөмкин. Төнлә белән һава температурасы минус 1-дән +1 градуска кадәр, көндез 2-4 градус җылы булачак.

Тулаем алганда, республика буенча төнлә минус 1-дән плюс 4 градуска кадәр, көндез 2-7 градус җылы булачак, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Фото: pixabay.com

Чыганак: kzn.ru