Якындагы тәүлектә көчле явым-төшемнәр көтелми

Якындагы тәүлектә Татарстанда һәм аның башкаласында аязучан болытлы һава торышы көтелә, көчле явым-төшемнәр көтелми, республиканың кайбер районнарында томан булачак.

Көньяк-көнбатыштан талгын җил исәчәк. Бүген төнлә республикада һава температурасы нульдән минус 6 градуска кадәр, Казанда – минус 1-дән минус 3 градуска кадәр тирбәләчәк.

15-нче ноябрьдә көндез Татарстанда һава 5 градуска кадәр җылыначак, башкалада – 3 градуска кадәр җылылык булачак, дип хәбәр иттеләр ТР Гидрометеорология һәм әйләнә-тирә мохитне күзәтү идарәсендә.

Фото: kzn.ru

Чыганак: kzn.ru