2 декабрь 2017 яңалыклары
-
Питрәч кырларында бүген дә комбайннар эшли
Быел районда көнбагыш 4148 гектарда чәчелде, дүрттән бер өлешен җыеп аласы калды.
-
«Мең рәхмәт» концерты катнашучылары хис-кичерешләре белән бүлешә
Казанның ”Уникс” концертлар залында ”Мең рәхмәт” зур хәйрия фестивале узды. Казан хосписына һәм тумыштан артык авырлыктан интегүче, җырлар авторы Ирек Габдрахмановка ярдәм максатыннан оештырылган концертта эстраданың популяр артистлары катнашты. Инстаграмда әлеге чарадан соң җырчы-артистлар хис-кичерешләре белән бүлеште.
-
Яңа елдан машина кую урынын бүләк итеп булачак
Киләсе елның 1 гыйнварыннан машина куя торган урынны күчемсез милек итеп рәсмиләштереп булачак. Бу исә милекчеләргә машина кую урынын бүләк итү, сату, мирас итеп калдыру мөмкинлеге бирә. Әлеге хәбәр күпләрдә кызыксыну уяткан, ди. Кайбер кешеләр ишегалларында машина кую урыннарын барлый башлаган, имеш.
-
“Өмет” кибетен талаган өметсез
Балтач полициясе бүлмәсендәге күренеш бер спектакльне хәтерләтә. Күз һәм авыз турысында тишекле кара башлык кигән өч ир-ат кулларына уенчык пистолет тотып тезелешеп басып тора, аннан соң, берәм-берәм аркылы-буйлы йөри, теге “корал”ны төбәп: “Деньги дай!” дип кабатлыйлар. Аларның бу галәмәтен бер ханым дикъкать белән күзәтеп тора. Ниһаять, ул тегеләрнең берсенә төртеп күрсәтә һәм: “Менә шушы, йөреше, тавышы, буй-сыны буенча таныдым!” – дип белдерә. Моның “таныту” (опознание) дигән тикшерү чарасы икәне аңлашылгандыр. Түнтәрдәге “Өмет” кибетен талаганнан соң бер атна үткәч үткәрелә ул.
-
Бөек Устюгтан килгән Кыш бабай: «Балаларыгызны, аеруча малайларны җебек итеп үстермәгез!»
Кышның беренче көнендә журналистлар Бөек Устюгтан килгән Кыш бабай белән очрашты. Яңа елга әле ерак булса да, «Татар-информ» мәгълүмат агентлыгында узган матбугат конференциясендә бәйрәм мохите иде, фойеда ук бизәлгән чыршы каршы алды, мандарин исе, чын Кыш бабай.
-
2018 ЕЛГЫ ДӨНЬЯ ЧЕМПИОНАТЫ: КӨНДӘШЛӘР БИЛГЕЛЕ. КАЗАНГА КЕМНӘР КИЛӘ?
Мәскәүдә 2018 елда Россия шәһәрләрендә узачак футбол буенча дөнья чемпионатының жирәбәсе уздырылды. Чемпионатта катнашачак 32 команда төркем этабындагы көндәшләрен белде. Россия футбол җыелмасы чагыштырмача җиңел төркемгә эләкте, ә Казанда төркем этабындагы уеннарда ук дөнья чемпионнарын күреп булачак.