Нәфесең белән көрәш...

автор, 13 октябрь 2025 - 18:00

Кешенең авызына туфрак тулганнан соң гына нәфесе тынычлана. Әмма инде соң...

«Әгәр берәүгә алтын белән тулган үзәнлек бирелсә, ул үзендә шундый ике үзәнлек булуын теләр иде. Кешенең корсагын туфрактан башка бернәрсә дә тутырып бетерә алмый. Аллаһы Тәгалә исә тәүбә кылган кешеләрнең тәүбәсен кабул итә»
Мүснәд Имам Әхмәд, 13476, Сахих Бохари, 6439
Әй адәм баласы, ач күзле булып, гомер буе мал җыеп, кайчан да булса туктый алачагыңны уйлыйсың мы? Юк, нәфесең кабарганнан кабара барачак. Тукта, уйлан, гөнаһлардан тәүбә кыл. Җәсәдеңне җир астына күмеп куйганнан соң гына нәфес малга омтылмый башлый.

Чыганак: ТГ Татарча хәдисләр төркеме