Айгөл Бариева, концерт турында уйлап, төн йокысыз калган
Җырчы, ТР атказанган артисты Айгөл Бариева үз-үзенә тынычлык тапмыйча йоклап китә алмый, төнге өчтә дә уйлана, борчыла, дулкынлана…
Моның сәбәбе дә бар һәм билгеле: җырчы үзенең сольный концертына әзерләнә. Айгөл Бариева бу сорауга бик җаваплы карый: «Һәрбер җырчы өчен-СОЛЬНЫЙ концерт бирү ул үзе бер СЫНАУ! Балаңны тудыру кебек…»
«Ничә ел инде сәхнәдә җырласаң да, ничәмә-ничә концерт бирсәң дә — һәрвакыт барсы да беренче тапкыр шикелле. Шул ук дулкынлану, шул ук борчылу, шул ук йокысыз төннәр, шул ук чабулар… Барысын да уйлыйсың бит: җырларың, костюмнарың, образларың, сценарий, режиссура, сәхнә бизәлеше — тамашачыга ошармы, ничек кабул итәр, концертыңа килерме?» — дип, бүлешә артист үзенең уй-кичерешләре белән.
Айгөл Бариеваның «Бул гына» дип исемләнгән концерты 10 апрельдә Филармониядә булачак.
Фото: http://tatar-today.ru
Следите за самым важным и интересным в Telegram-каналеТатмедиа
Нет комментариев